İaşə fəaliyyəti göstərən şəxslərin nağdsız ödənişlər üzrə vergi yükü azaldılır

2026-cı il yanvarın 1-dən iaşə fəaliyyəti ilə məşğul olan ƏDV ödəyiciləri tərəfindən həmin vergi hesablanarkən onların POS-terminal vasitəsilə nağdsız qaydada ödəmələr əsasında formalaşan dövriyyəsinin 50 faizinin 3 il müddətinə ƏDV tutulan ümumi dövriyyədən çıxılması nəzərdə tutulur. Bundan başqa, 8 faiz dərəcə ilə sadələşdirilmiş verginin ödəyicisi olaraq iaşə xidməti göstərən şəxslərin POS-terminal vasitəsilə nağdsız dövriyyə üzrə sadələşdirilmiş verginin dərəcəsinin 6 faizə endirilməsi təklif edilir.

Nümunə 1:

İctimai iaşə fəaliyyəti ilə məşğul olan şəxsin ay ərzində göstərdiyi xidmətlərin dəyəri 50 min manat məbləğində olub və bu məbləğin 10 min manatı nağd şəkildə, 40 min manatı isə POS-terminal vasitəsilə nağdsız qaydada ödənilib. Digər şəxslərə ödədiyi və əvəzləşdirdiyi ƏDV-nin məbləği isə 3 min manat olub. Bu halda büdcəyə ödənilməli ƏDV-nin məbləği 6 min manat hesablanacaqdısa, dəyişiklikdən sonra həmin məbləğ 2.400 manat təşkil edəcək.

Nümunə 2:

İctimai iaşə fəaliyyəti ilə məşğul olan sadələşdirilmiş vergi ödəyicisinin ay ərzində göstərdiyi xidmətlərin dəyəri 50 min manat məbləğində olub və bu məbləğin 10 min manatı nağd şəkildə, 40 min manatı isə POS-terminal vasitəsilə nağdsız qaydada ödənilib. Bu halda büdcəyə ödənilməli sadələşdirilmiş verginin məbləği 4 min manat hesablanacaqdısa, dəyişiklikdən sonra həmin məbləğ 3.200 manat təşkil edəcək.

Rəsmi mənbə: Dövlət Vergi Xidmətinin məlumatı

https://www.instagram.com/p/DUAgxCbEUsO/

Bu güzəştlərdən yararlanmaq üçün kassa və mPOS sistemlərinin düzgün qurulması və bütün satışların rəsmi şəkildə aparılması tələb olunur.
Vergi güzəştlərindən problemsiz və səmərəli istifadə üçün Caspos MMC-yə müraciət etməyiniz tövsiyə olunur.